10/11/2008 - اريد حلاً ؟!؟!؟!؟!؟!؟!؟!؟!؟!
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بسم الله الرحمن الرحيم ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
احب اعرف الناس بنفسي الأول قبل ما اتكلم في اي موضوع
انا شاب عمري 27 سنه عربي مسلم حياتي زي أي شاب في العالم واكيد هحكيلكو عليها وبالتفصيل كمان
دي أول مره اكتب على النت او يمكن اول مره اتفاعل باللي جوايا مع الناس طول عمري اتعودت اني اكون كتوم مفيش حد يعرف انا ايه جوايا
لكن دلوقت انا حاسس اني فعلا لازم اطلع اللي جوايا عايز عايز احكي واتكلم مع ناس كتير وفي نفس الوقت احس برضو ان مافيش حد يعرف اللي جوايا
_._._._._._._._._._._._._._._._._._._._._._._._._._._._._._._._._._._._._._._
الأول انا من عيله بسيطه كان جدي عايش في الأرياف وبعد ما تزوج نزل على العاصمه واشتغل فيها ومن بعده والدي بس والي خرج من العاصمه الى خارج البلد ورجع تزوج وانجب اولاد كنت انا من ضمنهم وعشان يقدر على المعيشه سافر تاني هوه و والدتي وعيشت حياتي كلها متغرب بعيد عن بلدي طلعت منها وانا عمري 6 سنوات ورجعت ليها وانا شاب عشان اكمل دراستي الجامعيه المهم وعشان ما اكونش ممل اللي عايز الناس تفهمه ان احنا عيله عاشت طول حياتها في غربه فقدنا المعارف والأصدقاء حتى القرايب ما اعرفهمش
على فكره الكلام ده مرتبط بمعظم الكلام اللي هقوله بعد كده
_._._._._._._._._._._._._._._._._._._._._._._._._._._._._._._._._._._._._._._
حاليا انا نفسي متغرب وبحاول اني اعيش زي كل شاب في العالم بجهز بيتي واشوف بنت الحلال اللي تشاركني فيه بدور على الاستقرار النفسي والعاطفي
_._._._._._._._._._._._._._._._._._._._._._._._._._._._._._._._._._._._._._._
عشان ادخل بسرعه في الموضوع لما رجعت بلدي ودخلت الجامعه لقيت ان ربنا معطيني هبه وهيه اني مافيش حد اعرفه غير انه يحبني ويعزني سواء ولد او بنت بقى ليه اصدقاء من كل مكان في البلد لكن مش هيه دي المشكله اللي كان بيحصل ان بنسبة 80% من البنات اللي عرفتهم يا اما حبيتهم يا اما حبوني
وهنه تظهر مشكلتي بجد ومحدش يفهم العلاقه دي غلط صحيح على كترهم لكن كلهم كانو جديين لكن كل مره بيحصل سبب مختلف ومايكملش وطبعا حاليا انا بسمي الفترة دي فترة طيش او بالأصح فترة الفيضان العاطفي بالبلدي يعني مراهقه
_._._._._._._._._._._._._._._._._._._._._._._._._._._._._._._._._._._._._._._
كان من ضمن العلاقات دي اخر علاقه فيهم ودي وصلت لمرحلة الشبكه وطبعا لازم كل بلد وليها عرفها في الجواز المهم بيتم الاتفاق بين الأهالي لكن لان الواحد كان بيحب فمكانش فارق معايه كان بيتقلي هتجيب كذا وكذا بقول حاضر وخصوصا لحماتي سابقا لدرجة اني قلت انها تيجي من غير شنطة هدومها كمان وانا اجيبهالها فقالت ماشي واتفقنا وده لاني كنت بحبها وهيه بتحبني !!!!!!!!!!!
_._._._._._._._._._._._._._._._._._._._._._._._._._._._._._._._._._._._._._._
سافرت عشان اشتغل واعمل فلوس لكن العمليه ما مشيتش في الأول وحصلت مشاكل كتير طبعا كان سببها حماتي سابقا ومع ذلك كنت بصبر
خطيبتي نفسها اتغيرت لما انا سافرت وبقت مشاكلها معايه كتير قلت معلش يمكن الغربه
المهم في مره من المرات صوتها علي على والدتي ما استحملتش اتخانقت معاها راحت حماتي قالتلي بالسلامه فقلتلها في ستين .......سلامه !!!!!
_._._._._._._._._._._._._._._._._._._._._._._._._._._._._._._._._._._._._._._
حاليا انا زي ما قلتلكو انا عايش بره بلدي يعني بعيد عن الناس والمعارف وكمان اهلي طول عمرهم متغربين مايعرفوش غير جيرانا وانا عايز اتجوز
حد يقدر يقلي ايه الحل لحالتي دي ادي حكايتي وادي حالي وللعلم انا ماليش قرايب بنات اصغر مني وجيراني بناتهم يا امى اتجوزو او زي اخواتي يعني محدش يقول مهو في جيران عشا من الآخر اللي كنت خاطبها كانت برضو جارتي وانا حرمت خلاص موضوع الجيران ده
_._._._._._._._._._._._._._._._._._._._._._._._._._._._._._._._._._._._._._._
ياريت اللي يقرى الكلام ده يدلني على الطريقه اللي اقدر الاقي بيها واحده جميله و محترمه و من عيله محترمه ياترى ممكن الاقي وايه الطريقه اللي تناسب الظروف دي كلها ياريت حد يفيدني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| 
